Prokuroria e Kosovës në bashkëpunim me Policinë e Kosovës janë duke zhvilluar një aksion në rajonin e Pejës.
Aksioni është duke u zhvilluar në 15 lokacione në Pejë, Istog, Klinë e Deçan.
Ky aksion po zhvillohet pas hetimeve disa mujore.
Prokurorja e rastit ka kërkuar përgjegjësi nga kompanitë, se pse punëtorët nuk kanë masa mbrotjëse, sidomos helmeta, raporton Tëvë1.
Kryeprokurorja e Prokurorisë së Pejës Lumturije Vuçetaj para nisjes së aksionit ka thënë se qëllimi është shenjëstimi i personave që nuk ofrojë kushte sigurie për punë.
Ajo ka thënë se vetëm në gjashtë mujorin e parë janë shënuar tri raste me vdekje në vendin e punës në këtë rajon dhe disa me lëndime trupore.
“Jemi për të zbatuar një aksion i cili me vetiniciativë të kësaj prokurire është hetuar dhe punuar në këtë drejtim. Qëllimi i këtij aksioni është që të shenjëstrohen persona që janë të kontraktuar nga subjektet ekonomike si punëtorë në vendet e punës ku ata marrin një pagë. Kjo ka rrjedh si rezultat i verifikimit të shumë rasteve që kanë arritur në prokurori. Tri raste me fatalitet e të tjera me lëndime trupore vetëm në gjashtë mujorin e parë të këtij viti, kanë ardh si atribut i mos sigurisë së punëtorëve në vendin e punës. Kanë ardh punëtorë të cilën për një pagë modeste punojnë pa asnjë siguri dhe jeta e tyre është në fije të perit”, ka thënë ajo.
Kryeprokurorja ka bërë të ditur se në këtë aksion janë të përfshirë 9 prokurorë.
Ndërsa në këtë aksion Policia e Kosovës është duke asistuar me 60 zyrtarë policorë.
