Rasti i njohur si “Brezovica 1” që bëri goxha bujë në Kosovë është drejt fundit.
Të hënën në Gjykatën Themelore në Ferizaj, palët kanë dhënë fjalët përfundimtare.
Prokurori Maloku ka kërkuar që Dragomir Millosavljeviq dhe Hysni Bajramiqë atë kohë ishin inspektorë në komunën e Shtërpcës, të shpallen fajtor dhe të dënohen konform ligjit për veprën penale keqpërdorim i pozitës zyrtare.
Madje, ndaj tyre ka kërkuar edhe dënim plotësues.
“Tu ndalohet ushtrimi i funksionit në administratën publike sepse ekziston rreziku real se këta të dy mund ta keqpërdorin pozitën e tyre zyrtare nëse e ushtrojnë këtë funksion”, ka thënë Rasim Maloku, prokuror i rastit.
Mirëpo të akuzuarit Millosavljeviq dhe Bajrami deklaruan se nuk e ndiejnë vetën fajtor.
“Se bashku me kolegun tim Hysni Bajrami i kemi ndërmarrë te gjitha masat ligjore ne drejtim te rrënimit te objektit jolegal, qëllimi i gjithë kësaj është lëshimi i aktvendimit për rrënimin dhe kjo për inspektorin është maja,janë respektuar te gjitha procedurat ligjore,nëse nuk ka kompani qe ta zbatoje aktvendimin e sjellur nga inspektori rrënimi i objektit kjo nuk ështëpërgjegjësi e imja sepse për ketë duhet kujdesur komuna.”, tha i akuzuari Dragomir Millosavjleviq.
“Unë mendoj qe i kemi kry obligimet krahas ligjit ne fuqi dhe i propozojmëgjykatës te veproje ne mënyre te drejte dhe ne te lirohemi nga aktakuza”, tha Hysni Bajrami i akuzar në këtë rast.
Kur erdhi radha te mbrojtësi i Labinot Vitisë, avokati Betim Shala ka propozuar prova të reja që të administrohen dhe lexohen.
“Nga provat e dorëzuara sot, vërtetohet se Labinot Vitija nuk ka qenë pronar i ngastrave kadastrale dhe se në ato ngastra ka qenë pronar vëllau i tij Kastriot Vitija, tha avokati Shala.
Pavarësisht që kjo shkaktoi debat në gjykatore, gjyqtari Ilir Bytyqi pranoi propozimin e avokatit që disa nga këto prova të administrohen dhe e mbylli këtë çështje gjyqësore.
Vendimi në rastin Brezovica 1 pritet të merret të enjten.
