Ministri i Kulturës, Hajrullah Çeku, ka njoftuar se projekti për restaurimin/rinovimin e tërësishëm të ndërtesës së Teatrit Kombëtar të Kosovës, ka marr edhe pëlqimin përfundimtar nga Komisioni i Institutit të Kosovës për Mbrojtjen e Monumenteve (IKMM).
Ai ka thënë se do të vazhdojnë me shpalljen e procedurës për angazhimin e operatorit ekonomik për përfundimin e këtyre punimeve.
“Projekti zbatues për restaurimin/rinovimin e tërësishëm të ndërtesës së Teatrit Kombëtar të Kosovës tanimë ka marr edhe pëlqimin përfundimtar nga Komisioni i Institutit të Kosovës për Mbrojtjen e Monumenteve në Komision Disiplinor. Vazhdojmë me shpalljen e procedurës për angazhimin e operatorit për realizimin e punimeve. Kosova po bëhet me teatër të ri kombëtar, duke e ruajtur teatrin e vjetër. Kemi punuar me gjashtë fakultete të Universitetit të Prishtinës, profesionistët më të mirë të vendit tonë për hartimin e projektit, i cili përveç rinovimit të ndërtesës parasheh edhe shtim të hapësirave të reja për të krijuar kushte të dinjitetshme për aktorët e stafin dhe përjetim të përmirësuar artistik për publikun”, ka shkruar Çeku në Facebook.
