Profesori universitar, Alban Zeneli ka vlerësuar se synimi i Policisë së Kosovës për të hapur një radio është një ide jo mirë e menduar.
Ai në një postim në Facebook ku ka listuar një varg shembujsh se kjo nuk duhet të ndodhë, ka thënë se radiot policore dhe ushtarake zakonisht bëhen në kohë luftërash.
Zeneli ka përmendur se e tillë ishte edhe Radio Kosova e Lirë, e cila pas luftës është kthyer në radio civile.
Profesori universitar duk marrë si shembull ekzistimin Radio KFOR-it ka thënë se ndonëse ishte krijuar si radio emergjente, arsyet për ekzistimin e saj tani nuk ekzistojnë.
Postimi i plotë i Zenelit:
Radio Policia, shembuj e arsye pse kjo nuk është një ide normale:
1. Nuk ka kontroll civil mbi mediumin. Radiot ushtarake e policore bëhen ne kohe luftërash. Si Radio Kosova e Lirë, shembull qe është kthyer ne radio civile pas luftës.
2. Si mundet me qene e pavarur dhe me vlera te gazetarisë një radio qe ne te vërtetë nuk mund te raportoj për rastet e korrupsionit brenda policisë? Ose me te nal ne rruge policia për një prononcim, ec e guzo mos u nal
3. Shteti nuk mundet ta licencoj shtetin ne një industri ku nuk është pjesëmarrës, në industrinë e medias. Për mua është konflikt interesi.
4. Ne demokraci shteti nuk është konkurrent ne tregun e medias meqë kjo industri shihet si shtylla e katërt pushtetit që mbikëqyr pushtetet tjera, legjislativin, ekzekutivin dhe gjyqësorin, pra edhe policinë.
5. Nevoja për transparence ne polici nuk qon ne hapjen e një radioje por qon ne përgjigjen më të shpejtë dhe efektive ndaj pyetjeve të gazetareve.
6. Ligji i KPM-së që në nenin 2 ku vendos përkufizimet, e bënë të qartë qe mediumi që licencohet mund te jete publik(RTK) ose privat ne pronësi individuale ose të një OJQ-je.
7. Radio KFORi, është radio emergjente e misionit të NATO-s në Kosovë, qe moti nuk është dashtë te funksionojë. Nuk është e licencuar në KPM sipas të dhënave publike. Arsyet emergjente të themelimit të kësaj radioje nuk ekzistojnë më. Tjetër muhabet është qe as KPM as unë nuk pyetmi për këtë pune.
8. Modelet e ngjashme ekzistojnë në vendet me kriza të përhershme të sigurisë si Tajvani dhe në vendet kur regjimet janë kuazi demokratike si Kolumbia.
