KB Prizreni 16 ka arritur fitore për vendin e tretë në “Final Fourin” e Ligës Unike. Ekipi nga Prizreni ka fituar në “Karagaç” me shifra 106:89 ndaj Teutës.
Në çerekun e parë durrësakët triumfuan me shifra 21:16, por prizrenasit u këndellën në periodën e dytë duke e marrë në fund me shifra 30:22, derisa shkuan në pushim me epërsi 46:43.
Të besuarit e Arbnor Riftit nuk u ndalën as në përiudhën e tretë ku e fituan me shifra 28:17, kurse në çerekun e fundit triumfuan me rezultat 32:29 në përgjithësi 106:89.
Te Prizreni u dalluan Arti Hajdari me 32 pikë, 4 asiste dhe 4 kërcime, i ndihmuar nga Xavier Cannefax me 21 pikë, 4 kërcime dhe 9-të asistime, dhe Darell Davis me 16 pikë e 7 kërcime.
Ndërsa te Teuta më i miri në parket ishte Nasir Core me 23 pikë, 7 asistime dhe 7 kërcime.
/Tëvë1/
