Kryeqendra evropiane, të enjten do t’i ulë përballë njëri – tjetrit edhe njëherë tjetër dy kryenegociatorët, Besnik Bislimi dhe Petar Petkoviq.
Kësaj radhe pritet që në atë takim të flitet për çështjen e asociacionit me komunave me shumicë serbe.
Njohësi i çështjeve politike, Anton Demhasaj thotë se e rëndësishme është që Kosova atje të shkojë e mirëpërfaqësuar, në mënyrë që të mos pësojë.
“Zv. Kryeministri Besnik Bislimi do duhej të kishte një ekip mirë të përgaditur me vete sepse tash po flasim për zbatim të marrëveshjeve, për zbatim të draftit të asociacionit të komanve me shumicë serbe që krejt këto mundem me pas implikime ligjore dhe kushtetuese. Prandaj mendoj se ai me vete duhet të këtë një ekip të ekspertëve ligjorë, kushtetues tepër të mirë për me e ditë se çfarë po pranon, çka po zbtaon dhe qysh po zbatohet”, thotë Demhasaj.
Ndërkaq politologu, Shkodran Ramadani vlerëson se thirrja e dy kryenegociatorëve është sa për të zbehur rëndësinë e takimit.
“Përmes Petkoviq dhe Bislimit, Kosova, Serbia dhe BE – ja mundohen të paraqesin kinse tema për të cilën po flasin nuk është e rëndësisë më të lartë. Kjo është më shumë një karrem, truk për komunikim me publikun që në Kosovë të përçojnë një mesazh se ajo çka do të diskutojnë nuk është shumë e rëndësishme”, shprehet Ramadani.
Emisari i BE-së për dialogun Kosovë-Serbi, Miroslav Lajçak ditë më parë ka qëndruar në Prishtinë e Beograd , siç ka thënë për përgatitjet për takimin e kryenegociatorëve Bislimi-Petkoviq.
