Java e ardhshme do të jetë e ngarkuar me takime në Bruksel, ku vendet anëtare të BE-së do të kenë takime në kuadër të Këshillit të BE-së, e po ashtu liderët e 27 vendeve do të kenë takime me homologët e tyre nga 6 vende e Ballkanit Perëndimor. njohës të politikave rajonale e evropiane konsiderojnë që këto takime nuk do të prodhojnë ndonjë gjë të re për Kosovës, e as nuk presin ashpërsim të gjuhës për Serbinë.
Kryeqendra evropian Brukseli, javën e ardhshme do të presë përfaqësuesit e vendeve anëtare të BE-së në takimet e rregullta të Këshillit të Bashkimit Evropian. Fillimisht më 12 dhjetor do të jenë takimet në nivele të ministrave, e pastaj më 14 dhe 15 dhjetor do të jetë samiti i liderëve të vendeve anëtare.
Në konkluzionet që pjesëmarrësit do të miratojnë në fund të takimeve, ku flitet për të gjitha shqetësimet me të cilat përballet kontinenti, pritet të ketë deklarime edhe për Kosovën.
Profesori universitar Dritëro Arifi, thotë se nga këto diskutime nuk do të ketë ndonjë kërkesë të re për Kosovën.
Njohësi i politikave në Ballkan, Ben Andoni, thotë se as në këto takime nuk pritet që BE të ashpërsoi gjuhën në raport me politikën e Serbisë.
Javën e ardhshme po ashtu do të jetë edhe takimi i radhës mes 27 vendeve të Bashkimit Evropian dhe gjashtë vendeve të Ballkanit Perëndimor. ky takim vitin e kaluar ishte mbajtur në Tiranë me 6 dhjetor.
