Eksperti i çështjeve të sigurisë dhe marrëdhënieve ndërkombëtare, Ilir Kulla ka thënë se pritja e Edi Ramës në Izrael, ka qenë e njëjta që i bëhet secilit zyrtar shteti dhe jo ndonjë “speciale” ashtu siç e ka vlerësuar kryeministri i Shqipërisë.
Ai ka kujtuar vizitën që kishte në Izrael bashkë me presidentin e as kohe të Shqipërisë, Ilir Meta.
“Unë kamë qenë me presidentin e Shqipërisë, Ilir Metën dhe kemi pas të njëjtën pritje, tek i njëjti aktivitet kemi qenë”, ka thënë Kulla në emisionin “MATRIX” në Tëvë1.
Kryeministri i Shqipërisë, Edi Rama gjatë vizitës në Izrael është pritur nga kryeministri i këtij vendi, Benjamin Netanyahu me të cilin kishte edhe një konferencë të përbashkët për media.
Rama ishte i ftuar edhe në seancën plenare të nderit në Knesset, të cilën Parlamenti i Izraelit e organizon kur fton udhëheqës të huaj.
