Sulmuesi i krahut, Hasan Hyseni , mesfushori Kushtrim Gashi dhe mbrojtësi Muhamet Useini nuk janë më pjesë e skuadrës së Prishtinës.
Të tre futbollistët kanë njoftuar të hënën largimin e tyre nga Prishtina nëpërmjet postimeve në Facebook.
Si Hyseni ashtu edhe Gashi e Useini ishin pjesë e Prishtinës prej vitit 2022 dhe me ekipin nga kryeqyteti fituan një Kupë dhe një Superkupë të Kosovës.
Ata kanë falënderuar klubin, kryesinë, shtabin teknik, bashkëlojtarët dhe tifozët për kohën e kaluar dhe përkrahjen që e kishin gjatë kohës sa bartën fanellën e Prishtinës.
Hyseni në sezonin e fundit pati 8 gola e 6 asistime në të gjitha garat, Gashi regjistroi 19 paraqitje kurse Useini pati 34 ndeshje të luajtura me Prishtinën.
