Policia e Kosovës ka njoftuar për një rast të raportuar në Prishtinë, lidhur me një marrëveshje huaje mes dy personave.
Sipas raportit policor, një burrë kosovar ka deklaruar se kishte marrë hua 18 mijë e 50 euro nga një person tjetër, me marrëveshjen që ta kthente shumën brenda një muaji, së bashku me 3 mijë euro shtesë.
Si garanci për huanë, ankuesi kishte lënë veturën e tij.
Sipas tij, i dyshuari nuk ishte lajmëruar me kohë, ndërsa më pas kishte kërkuar gjithsej 30 mijë euro për kthimin e veturës dhe heqjen e borxhit.
Policia ka bërë të ditur se rasti është duke u hetuar.
“Rr. C, Prishtinë 13.08.2026 – NN. Ankuesi mashkull kosovar, ka informuar se nga i dyshuari mashkull kosovar, kishte marr hua 18.050€ që t’i kthej brenda muajit 3000€ më shumë, ndërsa si garanci kishte lënë veturën e tij. Sipas ankuesit, i dyshuari nuk i ishte lajmuar me kohë dhe më pas kishte kërkuar që për kthimin e veturës dhe për heqjen e borxhit në total ka kërkuar 30.000€. Rasti është duke u hetuar”, thuhet në raport./teve1.info/
