Një zyrtar policor është goditur më veturë nga një femër, e cila paraprakisht ishte ndalur për një kundërvajtje trafiku.
Kështu ka bërë të ditur për teve1.info, zëdhënësja e policisë për Prishtinë, Flora Ahmeti.
Ajo ka thënë se zyrtari i lënduar është dërguar për tretman mjekësor ndërkohë që policia është në kërkim të të dyshuarës.
“Sot rreth orës 19:00, në rrugën Prishtinë -Fushë Kosovë, një zyrtar policor, i cili ishte në detyrë, është goditur nga një person i dyshuar me automjet. E dyshuara femër, A.A, është ndaluar nga policia për një kundërvajtje trafiku. E njëjta duke mos përfillë urdhërat e zyrtarit policor, për të dalë nga automjeti i cili duhej të konfiskohej, pasi ka goditur me automjet zyrtarin policor është larguar nga vendi i ngjarjes”, ka thënë ajo.
