Një zyrtarit policor në Prishtinë i është dëmtuar dritarja e banesës nga një predhë e armës.
Gjatë ekzaminimit në vendin e ngjarjes, në parkingun e banesës janë gjetur dhe konfiskuar katër gëzhoja të armës, përcjell teve1.info.
Rasti në polici është raportuar nga një person i cili ka qenë në mbikëqyrje të banesës, në mungesë të këtij të fundit.
Rasti mbetet nën hetime.
“Sheshi Vicianum, Prishtinë 18.08.2023-20:35. Dëshmitari mashkull kosovar ka raportuar se është dëmtuar një xham i banesës pronë e një zyrtari policor nga një predhë e armës. Dëshmitari e ka raportuar rastin pasi që ka qenë në mbikëqyrje te banesës në mungesë të pronarit. Në vendin e ngjarjes është vërejtur se në dhomën e gjumit janë shkaktuar pesë(5) vrima nga goditja e predhës të cilat kishin depërtuar për mes xhamit të dritares deri brenda në një vitrinë druri. Gjatë ekzaminimit të vendit të ngjarjes, përball objektit banesor në parkingun e banesës janë gjetur dhe konfiskuar katër gëzhoja të armës së shkurtër te kalibrit 7.62 mm. Rasti mbetet nën hetime”, thuhet në raportin 24 orësh të policisë./teve1.info/.
