Prishtinë: Burri sulmon gruan dhe vajzën e tij të mitur
Policia e Kosovës ka njoftuar se është arrestuar një person si i dyshuar për sulmim ndaj bashkëshortes dhe vajzës së tij të mitur.
Në raportin 24 orësh të policisë thuhet se në lidhje me këtë rast është konsultuar prokurori i shtetit dhe me vendim të së cilit i dyshuari pas intervenimit është dërguar në mbajtje, shkruan teve1.info.
“Prishtinë, 04.04.2022 – 16:00. Është arrestuar i dyshuari mashkull kosovar pasi që ka sulmuar fizikisht viktimat femra kosovare, bashkëshorten dhe vajzën e tij (vajza e mitur). Në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje.”, thuhet në raportin e policisë.