Policia e Kosovës ka njoftuar se një person është arrestuar pasi i njëjti dyshohet se ushtroi dhunë fizike ndaj gruas së tij.
Rasti, sipas forcave të rendit, ndodhi të premten më 19.12.2025.
Viktima ka pranuar tretman mjekësor.
“Prishtinë 19.12.2025, 20:25. Është raportuar se viktima femër kosovare, pas një mosmarrëveshje ishte sulmuar fizikisht nga bashkëshorti i saj. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raportin policor.
