Komisioni Qendror i Zgjedhjeve ka publikuar të dhënat më të fundit për pjesëmarrjen në procesin zgjedhor deri në orën 17:00, ku Prishtina shënon një dalje të konsiderueshme të votuesve.
Sipas KQZ-së, nga gjithsej 1,959,962 qytetarë me të drejtë vote në nivel vendi, në kryeqytet kanë votuar 80,470 qytetarë, që përbëjnë 36.63% të elektoratit të regjistruar në Prishtinë.
Këto shifra tregojnë një pjesëmarrje aktive të qytetarëve gjatë ditës së votimit në kryeqytet. Autoritetet zgjedhore po monitorojnë nga afër procesin për të siguruar mbarëvajtjen e tij dhe pritet të publikojnë përditësime të reja gjatë orëve të mbrëmjes.
