Malcolm Armstead është përforcimi më i ri i Sigal Prishtinës. Fundori amerikan është prezantuar të martën te Prishtina, ekip më të cilin ka firmosur kontratë për pjesën e mbetur të këtij edicioni.
Armstead, i cili llogaritet vendor për shkak se posedon pasaportën e Kosovës, Prishtinës i është bashkuar nga skuadra e Pejës. Në fakt, Armstead është rikthyer te Prishtina, pasi ishte pjesë e kësaj skuadre edhe në vitin 2019.
Këtë edicion, Armstead ka regjistruar 11 paraqitje me skuadrën e Pejës në të gjitha garat, ndërsa në Superligën e Kosovës, ka luajtur me një mesatare prej 6.6 pikëve, 3 kërcimeve dhe 5 asistimeve për ndeshje.
Armstead e njeh mirë kampionatin e Kosovës, pasi edicionin e shkuar ishte pjesë e Golden Eagle Yllit.
