Skuadra e Sigal Prishtinës sonte zhvillon ndeshjen e radhës në Ligën Evropiane Veriore (ENBL).
Bardhekaltërit sonte e presin në kryeqytet skuadrën nga Moldavia, Tindastoll, në një ndeshje që fillon nga ora 19:00.
Prishtina në ENBL po kalon formë të mirë, ku gjendet në pjesën e epërme të tabelës, saktësisht në vendin e pestë me katër fitore dhe dy humbje.
Në anën tjetër, moldavët e Tindastollit renditen në vendin e tetë, me katër fitore dhe vetëm një humbje.
Trajneri i Prishtinës, greku Kakiuzis, do të ketë mungesa të mëdha në roster, teksa vlen të theksohen mungesat e Lekndrejajt dhe Kakrukit.
Kjo ndeshje zhvillohet në Pallatin e Rinisë në kryeqytet dhe mund ta ndiqni drejtpërdrejt në kanalin zyrtar të ENBL-së në YouTube.
