Sulmuesi Sindrit Guri tashmë mund të konsiderohet futbollist i skuadrës së Prishtinës. Guri, të hënën është prezantuar te Prishtina, ekip që nuk i ka bërë të ditura detajet e marrëveshjes.
30-vjeçari ka thënë se ndihet i lumtur që do të jetë pjesë e skuadrës së Prishtinës. Ai ka thënë se pret ta ndihmoj Prishtinën që të arrij synimet e këtij edicioni.
“Pres të bëjmë performance sa më të mira, të kemi rezultatet më pozitive dhe të arrijmë deri te objektivat e klubit. Do të mundohem të jap maksimumin tim, do të bëjë përkushtimin më të madh që të arrij të marrë sa më tepër që të jap sa më shpejt rezultatet në fushë”, ka thënë Guri 30-vjeçar.
Guri prej dhjetorit të vitit të shkuar është pa klub, ndërsa karrierë ka bërë në Itali, Turqi, Belgjikë, Maqedoni të Veriut dhe Shqipëri. Po ashtu, Guri ka edhe dy paraqitje me Kombëtaren e Shqipërisë.
