Skuadra e Prishtinës ka arritur fitoren e dytë me rradhë në kuadër të Superligës së Kosovës.
Kryeqytetasit mposhtën ekipin e Ulpianës me rezultat të pastërt 2-0. Pjesa e parë përfundoi pa gola, ndërsa në minutën e 53 mesfushori Qëndrim Zyba shënoi për të zhbllokuar rezultatin, ndërsa pas vetëm pesë minutave, sulmuesi Gauthier Mankenda shënoi dyfishoi epërsinë.
Prishtina me këtë fitore arrin në kuotën e 32 pikëve dhe ngjitet në pozitën e pestë, aq sa ka edhe Drenica një vend më poshtë e cila ka një ndeshje më pak. Ulpianës me këtë humbje vetëm i komplikohen gjërat pasi mbetet në pozitën e parafundit me 23 pikë, dy më pak se Dukagjini që luan nesër.
