Aktualisht në Komunën e Prishtinës janë vetëm 45 punëtorë që kryejnë shërbime sociale.
Sipas statistikave që i prezanton Drejtoresha e Mirëqenës Sociale në Prishtinë, Adelina Sahiti, bazuar në numrin e lëndëve që kryen një punëtor social, mund të konstatohet se ka mbingarkesë.
“Një punëtor social aktualisht e ka rreth 200-250 lëndë të cilat mbulon. Kjo është një mbingarkesë, kur kemi mbi ngarkesë atëherë edhe kualiteti në punë sigurisht që mund të jetë në nivelin e duhur”, ka thënë ajo.
Në Kosovë ekzistojnë 38 qendra për punë sociale, përfshi edhe një në Prishtinë.
Që puna të jetë në nivelin e duhur, sipas Kryetarit të Lidhjes për Punë Sociale, Blerim Shabanit duhet të rritet numri i zyrtarëve për punë sociale.
“Momentalisht është larg çdo indikatori të mundshëm për me ju përgjigj nevojave dhe kërkesave të qytetarëve për shërbime kualitative, pra është një numër jashtëzakonisht i vogël”, tha ai.
Nisur nga nevoja që të rritet numri i punëtorëve social, këtë vit janë shtuar edhe 11 zyrtarë të rinj.
Kronika e realizuar nga Flakë Ajeti
