Prishtina të shtunën ka marrë fitoren e tretë me radhë në Superligë.
Ekipi kryeqytetas në kuadër të xhiros së 13-të të elitës së futbolli kosovar, mposhti Llapin në stadiumin “Fadil Vokrri” në me rezultatin 2:0.
“Bardhekaltrit” patën më shumë nga loja në pjesën e parë. Megjithatë golit skuadra vendase iu gëzua vetëm në minutën e 37-të. Leotrim Kryezi ishte realizatori i epërsisë së Prishtinës.
Rastet për të shënuar gola nuk munguan nga të dyja ekipet as në pjesën e dytë, por ishin kryeqytetasit ata që iu gëzuan golit të dytë dhe të qetësisë.
Kryesisht në minutëm e 87-të, mesfushori Endrit Krasniqi nuk gaboi nga afërsia pas asistimit të Ukës, duke dyfishuar epërsinë e skuadrës kryeqytetase.
Pas 12 ndeshjeve të luajtura, Prishtina forcohet në pozitën e tretë me 21 pikë.
Llapi mbetet me 13 pikë në 11 ndeshje në pozitën e gjashtë. /Tëvë1/
