Futbollistët e Prishtinës kanë fituar edhe miqësoren e dytë në Antalia, ku po e zhvillojnë fazën përgatitore.
Pas fitores 3:2 ndaj Banik Ostravas, Prishtina të mërkurën ka triumfuar edhe ndaj Zhenysit nga Kazakistani.
Ndeshja ka përfunduar me rezultatin 1:0, ku golin e vetëm e ka shënuar Blend Baftiu pas asistimit të boshnjakut Harun Kariq.
Kjo është miqësorja e fundit për Prishtinës para duelit të Superkupës kundër Dritës, që e luan të dielën, po ashtu në Antalia.
