Skuadra e Prishtinës ka arritur fitore tepër të rëndësishme në çerekfinale në kuadër të Kupës së Kosovës.
Kryeqytetasit arritën kualifikimin për në gjysmë-finale vetëm pas 120 minutave lojë pasi që 90 minutat përfunduan me rezultat ta barabartë 1-1.
Ndeshjen e hapi mesfushorin Qëndrim Zyba, në minutën e 24′ për rezultatin e pjesës së parë, ndërsa në minutën e 65 Blendi Baftiu barazoi shifrat.
E në vazhdime, asistimin e Guthier Mankendas në minutën e 96′ e shndërroi në gol mbrojtësi Besnik Krasniqi, gol që në fund të ndeshjes pati vlerën e kualifikimit.
Në minutën e 126′ të ndeshjes, referi pati mjaft punë pasi që ia dha tre kartonë të kuq, dy për futbollistët e Ballkanit dhe një të Prishtinës.
Dy skuadrat tjera të kualifikuara në gjysmëfinale janë Drita dhe Llapi, ndërsa nesër mësohet gjysmëfinalisti i katërt mes Ramiz Sadikut dhe KEK-ut.
