Prishtina e Re, skuadra që do të debutojë në Superligën e Kosovës në futboll po përgatitet me intensitet për sezonin 2025/26.
Prishtina e Re, ka nisur fazën përgatitore në Sofje të Bullgarisë dhe në këtë vend do të qëndrojë deri të enjten apo më datën 17 korrik.
Gjatë katër ditëve në Sofje, Prishtina e Re do të përgatitet intensivisht, përpara se të zhvendoset në Bansko, ku në këtë qytet malor do të vazhdoj me fazën përgatitore.
“Skuadra ka nisur fazën përgatitore në Sofje, Bullgari ku do të zhvillohen stërvitjet intensive për sezonin debutues në Superligën e Kosovës”, ka shkruar Prishtina e Re në Facebook.
Në Bansko, Prishtina e Re do të zhvendoset të enjten, pra kur të largohet nga Sofja por do të mbetet në Bullgari.
Prishtina e Re, në Bullgari do të qëndrojë për gati dy javë pasi në Kosovë, do të kthehet më 26 korrik ku do ti ketë edhe tri javë tjera në dispozicion përpara ndeshjes së parë në elitën e futbollit kosovar.
