Prishtina e Re ka triumfuar ndaj skuadrës së Drenicës, në ndeshjen e fundit të xhiros së 21-të në Superligën e Kosovës në futboll.
Të hënën, në duelin e luajtur në stadiumin “Liman Gegaj” në Malishevë, ku Drenica ishte nikoqire, Prishtina e Re fitoi me rezultatin 2:0.
Një gol në pjesën e parë, dhe një tjetër në të dytën, ia siguruan Prishtinës së Re fitoren në këtë përballje të mbijetesës.
Të dy golat në këtë ndeshje, i shënoi Lorik Dobratiqi, ku fillimisht zhbllokoi rezultatin në minutën e 40-të, përpara se ta vulos fitoren e Prishtinës së Re në minutën e 57-të.
Për Prishtinën e Re, kjo është fitorja e dytë në Superligë, e cila e ngrit në pozitën e parafundit në tabelë me 21 pikë, sa i ka edhe Drenica por që ka rënë në vendin e fundit.
Në anën tjetër, Drenica regjistroi humbjen e dytë rresht, ku në stinorin pranveror ka vetëm një barazim në tri ndeshje të luajtura.
