Kampioni i Kosovës dhe fituesi i Kupës në futsall, Prishtina 01 me lojtarë 100% vendor pretendon të kalojë në fazën e grupeve të Ligës së Kampionëve.
Ekipi kryeqytetas ka peshkuar rrugë të larg deri në Lituani. Një udhëtim që zgjati 10 orë, pavarësisht rrugës së largë të ekipi kryeqytetas nuk ndikon për të arritur suksesin historik. Presidenti i klubit te Prishtinës 01, Bledion Bryma thotë se janë të përgatitur mirë për këtë mini-maratonë.
Prishtina 01 është shortuar në Grupin D të fazës Main Round, derisa për kundërshtarë ka skuadra si Kaunas Zalgiris e cila është nikoqirë e turneut, Kampuksen Dynamo nga Finlanda dhe Ael Limassol nga Qipro. Derisa Bryma thotë se ekipi është përgatitur mirë dhe që pritshmeritë janë të mëdha për të kaluar në fazën tjetër.
I pari i klubit ndër të tjera thotë se me ekipi nikoqir Zalgiris dhe Dynamo janë në luftë për të kaluar tutje, por përjashton Ael Limassolin e Qipros.
Bryma për fund thotë se do të mundohen ta bëjnë krenar Prishtinën por edhe Kosovën.
Kampioni aktual i Kosovës ndeshjen e parë do ta zhvillojë me datë 25 tetor ndaj Dynamos, një ditë me pas ndaj Kaunas Zalgiris derisa turneun e përmbyll me Ael Limassolin. Vendi i parë kalon në 16 skuadrat me të mira në Champions League, këtë e ka arritur vetëm Feniks e cila është e shuar, por që Prishtina po synon ta bëjë me gjithë kontingjentin vendor kalimin në fazën finale të grupeve në kompeticionin evropian.
