Policia e Pejës ka dhënë detaje lidhur me aksidentin e ndodhur sot në drejtim të Rugovës, ku një gur i madh është shkëputur dhe ka goditur një veturë që ishte në lëvizje.
Zëdhënësi i Policisë për Rajonin e Pejës, Fadil Gashi ka bërë të ditur për teve1.info se në automjet ndodheshin katër persona një burrë, një grua dhe dy fëmijët e tyre.
Të gjithë janë dërguar për trajtim mjekësor në Spitalin e Përgjithshëm të Pejës.
Sipas Policisë, të lënduarit nuk kanë pësuar lëndime serioze dhe janë jashtë rrezikut për jetë.
“Rreth orës 12:00, policia është njoftuar se një veturë, e cila ka qenë duke qarkulluar nga Peja në drejtim të Rugovës në kilometrin e tetë, gjatë lëvizjes e ka goditur një guri që ka rrëshqit nga bregu. janë lënduar katër persona, të cilët janë dërguar për tretman mjekësor në Emergjencën e Spitalit Rajonal të Pejës. Katër të lënduarit janë jashtë rrezikut për jetë, dhe mes vete janë familjarë, dy të rritur bashkëshortë dhe me dy fëmijë. Në vendin e ngjarjes janë njësitë relevante policore”, deklaroi ai. /teve1.info/
Prindërit me dy fëmijë të lënduar nga guri i madh që ra mbi veturë në Pejë-Kuqishtë
