Policia e Pejës ka dhënë detaje lidhur me aksidentin e ndodhur sot në drejtim të Rugovës, ku një gur i madh është shkëputur dhe ka goditur një veturë që ishte në lëvizje.
Zëdhënësi i Policisë për Rajonin e Pejës, Fadil Gashi ka bërë të ditur për teve1.info se në automjet ndodheshin katër persona një burrë, një grua dhe dy fëmijë.
Të gjithë janë dërguar për trajtim mjekësor në Spitalin e Përgjithshëm të Pejës.
Sipas Policisë, të lënduarit nuk kanë pësuar lëndime serioze dhe janë jashtë rrezikut për jetë.
