Kështu emocionohet sa herë që flet për djalin e saj.
Lumnie Trena e përkujton me mall djalin e saj, Armendin i cili vdiq në krye të detyrës si Polic i Kosovës, në Lumin Lepenci në Kaçanik.
Ajo e ka ende të freskët në kujtesë, ditën kur para pesë vjetësh i ndjeri ishte nisur drejt punës e për t’u mos u kthyer më.
Ajo tregon edhe momentin kur kanë marrë informacionin për vdekjen e djalit dhe kolegut të tij, në aksident trafiku, teksa shton se është krenare për veprën e të birit.
Edhe babai i tij, Mufail Trena me krenari tregon për virtytet e djalit të tij.
Armend Trena dhe Malsor Dashi, të dy nga Komuna e Kaçanikut kanë humbur jetën aksidentalisht më 28 prill të vitit 2018 derisa po patrullonin në këtë komunë.
E në nderim të 23 policëve të rënë në krye të detyrës, 26 korriku tashmë është shpallur si ditë përkujtimore për ta.
