Prokuroria po vazhdon me fjalën e saj ku sot ka nisur faza e fjalëve përfundimtare në gjykimin ndaj ish-krerëve të UÇK-së.
Prokurori, James Pace duke folur për pretendimet e Prokurorisë për krimet e kryera nga Thaçi, Veseli, Krasniqi e Selimi, ka thënë se kanë dëshmi për krimet e kryera.
Ai poashtu ka pretenduar se kanë dëshmi për pjesëmarrjen e të akuzuarve në vendet e krimit dhe kryerjen e tyre.
“Prania e të akuzuarve në vendet e krimit dhe pjesëmarrja e drejtpërdrejt e tyre në krime parashtrohet hollësisht në dosjen tonë”, tha ai.
Duke folur për funksionin e Shtabit të Përgjithshëm të UÇK-së, prokurori Nathan Quick, ka publikuar një urdhër të lëshuar sipas tij nga Jakup Krasniqi për ndalimin e personave të dyshuar.
Ai ka thënë se Hashim Thaçi e Kadri Veseli pavarësisht se në një periudhë nuk ka qenë në Kosovë, “nuk i zhvesh ata nga përgjegjësia dhe roli që kanë luajtur në rolin vendimmarrës”./teve1.info/
