Presidentja e Republikës së Kosovës, Vjosa Osmani, e ka përshëndetur vendimin e Gjykatës Themelore në Ferizaj për dënim me burgim të përjetshëm ndaj vrasësit të Marigona Osmanit, Dardan Krivaqa, raporton teve1.info
Përmes një statusi në Facebook, Osmani ka shkruar se autorët e femicidit meritojnë dënim kapital, sikur ky i sotshmi ndaj Dardan Krivaqës.
Ajo ka shkruar se femicidi do të ndalet.
ADVERTISEMENT
“Autorët e femicidit meritojnë dënim kapital. Ashtu siç u dënua sot vrasësi e torturuesi i Marigona Osmanit.
Le të jetë ky një mesazh për të gjithë ata që zgjedhin dhunën ndaj grave si mjet.
Dhuna nuk do të tolerohet!
Femicidi do të ndalet!”, ka shkruar Osmani.
