Presidentja e Republikës së Kosovës, Vjosa Osmani, ka pritur në takim Ambasadorin e Shtetit të Katarit për Kosovën, Jabor Ali Hussein Al Hawashela Al Dosari, me të cilin ka diskutuar mbi avancimin e marrëdhënieve dypalëshe ndërmjet dy vendeve.
Sipas njoftimit nga Presidenca, në këtë takim u riekonfirmua partneriteti i shkëlqyer mes Kosovës dhe Katarit, si dhe u diskutuan mundësitë për zgjerimin e bashkëpunimit në fusha të ndryshme.
Në fokus të veçantë të takimit ishte edhe falënderimi i Presidentes Osmani për mbështetjen konkrete që Katari ka ofruar për sigurimin e protezave për invalidët e luftës, përmes një iniciative që po realizohet me angazhimin e saj dhe ndihmën e institucioneve partnere në Katar.
“Presidentja e vlerësoi këtë hap si një shembull kuptimplotë të solidaritetit dhe humanizmit që forcon lidhjet midis dy popujve”, thuhet në komunikatën zyrtare.
Të dy palët shprehën vullnet të përbashkët për forcimin e mëtejshëm të lidhjeve bilaterale, duke synuar thellimin e bashkëpunimit në të gjitha nivelet.
