Presidentja e Kosovës, Vjosa Osmani, ka zhvilluar një mbrëmje të veçantë në Berlin, ku së bashku me mërgatën kosovare shprehu mirënjohje dhe emocion për kontributin e individëve që kanë mbështetur vendin.
Gjatë ngjarjes, presidentja Osmani i dorëzoi Medaljen Presidenciale të Meritave znj. Marieluise Beck, për kontributin e saj të palëkundur dhe për mbështetjen ndaj popullit të Kosovës.
“Znj. Beck është një grua që e bëri kauzën e Kosovës pjesë të ndërgjegjes evropiane,” theksoi Osmani gjatë ceremonisë, duke vlerësuar përkushtimin e saj ndaj vendit dhe komunitetit kosovar në diasporë.
Presidentja Osmani e falënderoi Beck për angazhimin e saj të vazhdueshëm dhe rol të rëndësishëm në forcimin e lidhjeve ndërmjet Kosovës dhe Bashkimit Evropian.
“Kontributi i znj. Beck është shembull i përkushtimit dhe mbështetjes së qëndrueshme për popullin tonë,” shtoi Osmani.
