Presidentja e Maqedonisë së Veriut, Gordana Siljanovska-Davkova, ka uruar Justina Shiroka-Pulën për zgjedhjen e saj Presidente e Republikës së Kosovës.
Përmes një postimi në platformën X, Siljanovska-Davkova ka shprehur urimet e saj për Presidenten e re, duke theksuar gatishmërinë për bashkëpunim dhe forcimin e marrëdhënieve dypalëshe.
“Urime të sinqerta për prof. dr. Justina Shiroka-Pulën për zgjedhjen e saj presidente e Republikës së Kosovës. Si profesor koleg, pres me padurim të punoj ngushtë me të për forcimin e mëtejshëm të marrëdhënieve tona dypalëshe, promovimin e stabilitetit rajonal dhe avancimin e së ardhmes sonë të përbashkët evropiane”, ka shkruar ajo.
Siljanovska-Davkova i ka uruar Shiroka-Pulës sukses të plotë gjatë mandatit të saj.
Ndryshe, Justina Shiroka-Pula u zgjodh Presidente e Republikës së Kosovës me 81 vota në Kuvendin e Kosovës, pas së cilës bëri betimin para deputetëve.
🇲🇰 🇽🇰 Sincere congratulations to Prof. Dr. Justina Shiroka-Pula on her election as President of the Republic of Kosovo.
As a fellow professor, I look forward to working closely with her to further strengthen our bilateral relations, promote regional stability and advance our shared European future.
I wish her every success in her mandate!
— Гордана Сиљановска Давкова (Gordana Siljanovska) (@gogamkd) October 7, 2026
