Presidentja e Republikës së Kosovës, Vjosa Osmani, ka vizituar sot Qendrën Nacionale të Xhudos në Pejë, ku u prit nga figura të njohura të këtij sporti dhe përfaqësues të Federatës së Xhudos së Kosovës.
Gjatë qëndrimit të saj, Presidentja u mirëprit nga Kryemjeshtri Driton Kuka, i shoqëruar nga kampionet olimpike Majlinda Kelmendi dhe Distria Krasniqi, si dhe nga xhudistja e dalluar Laura Fazliu. Në këtë vizitë morën pjesë edhe sportistë të tjerë elitarë të vendit, të cilët përfaqësojnë Kosovën në arenën ndërkombëtare.
Në Qendrën Nacionale të Xhudos ishin të pranishëm edhe xhudistë nga Ukraina, të cilët aktualisht po qëndrojnë në Pejë në kuadër të një kampi ndërkombëtar stërvitor.
