Presidenti kroat, Zoran Milanoviç i bëri thirrje të mërkurën qeverisë së vendit të fillojë procesin parlamentar për njohjen e Palestinës si shtet sovran dhe të pavarur.
“Kroacia duhet ta njohë Palestinën si një hap drejt përfundimit të luftës dhe katastrofës njerëzore në Gaza. Njohja e të drejtave të popullit palestinez për shtetin e tyre është e vetmja mënyrë për të vendosur paqe të qëndrueshme në Lindjen e Mesme”, tha Milanoviç në një takim me Ministrin e Jashtëm palestinez Varsen Aghabekian në Zagreb, sipas një deklarate të presidencës.
Milanoviç dënoi gjithashtu ashpër sulmet izraelite ndaj civilëve në Gaza dhe planin e shpallur të pushtimit, njofton Anadolu.
Milanoviç tha se do të “mbështeste fuqimisht që Kroacia të njohë Palestinën sa më shpejt të jetë e mundur dhe i bën thirrje Qeverisë së Republikës së Kroacisë të fillojë procedurën për njohjen e Palestinës në Parlamentin Kroat”.
