Të premten më 22 prill, presidenti i Letonisë, Eglis Levits, do të vizitojë Kosovën.
Ai do të ketë takime me liderë institucional. Deri më tash është konfirmuar ora e takimit me kryetarin e Kuvendit, Glauk Konjufca.
Takimi do të zhvillohet në ora 12:15.
Ndërsa, Policia e Kosovës ka njoftuar se në mënyrë që të ofrohet lëvizja e lirë e eskortës në disa rrugë do të ketë ndërprerje të qarkullimit për veturat.
Për këtë policia ka kërkuar mirëkuptimin e qytetarëve.
“Me qëllim të qarkullimit të lirë të eskortës nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore), të disa segmenteve rrugore ku pritet të kalojë eskorta zyrtare. Për të mundësuar qarkullimin dhe riorientimin e trafikut në lokacionet ku pritet të kalojë eskorta, do të angazhohen zyrtar policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftimin e PK-së./teve1.info/.
