Presidenti i La Ligas, Javier Tebas, vazhdon të jetë protagonist absolut në daljet e tij në media. Dhe duket se ka zgjedhur një strategji të mirë-organizuar. Një ditë sulmon Realin dhe një ditë tjetër Barcelonën dhe anasjelltas.
Këtë herë ai ka sulmuar klubin e drejtuar nga Joan Laporta, duke iu kthyer temës së vjetër të çështjes “Negreira” dhe të asaj që ai e ka etiketuar si korrupsion sportiv të klubit blaugrana.
Tebas deklaroi në Kongres se “përpjekja për të ndikuar në ngritjen dhe zbritjen nga detyra të gjyqtarëve është korrupsion sportiv”, kur u pyet për rastin “Negreira”, të cilin një gjykatë e Barcelonës po e heton për pagesat nga Barça për ish-nënkryetarin e Komitetit Teknik të Gjyqtarëve (CTA).
“Ne ishim të parët që ndërmorëm veprime dhe do të shkojmë deri në fund. E kam thënë, ka korrupsion sportiv. Asnjë gjyqtar nuk u ble, por përpjekja për të ndikuar në ngritjen dhe uljen në detyrë të gjyqtarëve është korrupsion sportiv”, deklaroi ai në Komitetin e Arsimit, Trajnimit Profesional dhe Sportit, ku u shfaq për të diskutuar industrinë e futbollit dhe sfidat e saj.
