Michel ka thënë se kanë diskutuar për marrëdhëniet mes Bashkimit Evropian dhe Kosovës, ku thotë se për liberalizimin e vizave vendosin një nga një shtetet anëtare të BE-së, raporton Teve1.info
Ai thotë se Kosova duhet të jetë e angazhuar në përparimin e dialogut me Serbinë dhe duhet të implementohen të gjitha marrëveshjet e kaluara.
“Ne patëm mundësinë që të diskutojmë mbi marrëdhëniet mes BE-së dhe Kosovës dhe themi se Ballkani Perëndimor është një prioritet strategjik dhe mirëpresim fokusin e juaj për implementimin e reformave dhe në çështjet kyçe, siç është sundimi i ligjit. E kemi diskutuar edhe liberalizmin e vizave dhe kam dëgjuar argumentet dhe e dini se shtetet anëtare të BE-së duhet të vendosin një nga një për këtë çështje. Angazhimi i Kosovës duhet të jetë i fokusuar në përparimin e dialogut Kosovë- Serbi. Duhet të impelmentohen të gjitha marrëveshjet e kaluara dhe është koha që të shikojmë përpara dhe t’i avancojmë të gjitha këto për të mirën e gjithë regjionit”, tha presidenti i KE-së.
Sipas tij, Kosova të marrë pjesë në forumet regjionale dhe t’i implementojë të gjitha agjendat për një treg të përbashkët regjional.
“Dëshirojë që Kosova të marrë pjesë në forumet regjionale të cilat do të forcojnë dhe t’i impelmentojë të gjitha agjendat për një treg të përbashkët regjional. Në fund në javën e ardhshme do të kem kënaqësinë që të takojë 27 liderët e BE-së dhe të do ta kem mundësinë që të shfaqim unitetin tonë dhe vendimet tona politike dhe të riafirmojmë konfirmimin tonë për vlerat tona të përbashkëta dhe do të jetë mundësi për të ndryshuar pikëpamjet dhe vendimet tona për të ardhmen”, ka deklaruar Michel. /teve1.info/
