Presidenti gjerman Frank-Walter Steinmeier ka kritikuar presidentin Donald Trump të shtunën për argumentimin që ka bërë gjatë takimit në Shtëpinë e Bardhë me presidentin ukrainas, Volodymyr Zelensky.
Ai foli për agjencinë gjermane të lajmeve (DPA), në aeroplanin me të cilin po udhëtonte për të vizituar Uruguajin.
Duke u shprehur se skena në Shtëpinë e Bardhë e ka shokuar deri në palcë, Steinmeier tha, “Kurrë nuk do e besoja që një ditë do na duhet ta mbrojmë Ukrainën nga Shtetet e Bashkuara.”
Ai duke kritikuar Trumpin tha se, “Diplomacia dështon kur bashkëbiseduesit poshtërohen para gjithë botës”.
Duke deklaruar se evropianët do të mbeten të përkushtuar ndaj lirisë, demokracisë dhe drejtësisë, ai tha, “Ne duhet të parandalojmë që Ukraina të detyrohet të pranojë nënshtrimin. Kjo është arsyeja pse vendi ynë ka nevojë urgjente për një qeveri të fortë.”
