Presidenca e Kosovës ka bërë të ditur se ka marrë letrën e kryesuesit të Kuvendit, Avni Dehari lidhur me vazhdimin e seancës konstituive të Kuvendit të Kosovës.
Këshilltari për media i Presidencës, Bekim Kupina ka njoftuar se ekipi ligjor i Presidencës është duke e analizuar letrën, për t`i propozuar presidentes hapat e mëtejmë.
“Letra sapo ka ardhë në Presidencë dhe ekipi ligjor i Presidencës është duke e analizuar, për t’i propozuar Presidentes hapat e mëtejmë”, ka thënë Kupina.
Ndryshe, kryesuesi i seancës konstituive, Avni Dehari të martën e ka ndërpre seancën pas dështimit të miratimit të këtij raporti ku u tha se duhet pyetur presidenten për hapat tutje.
Por, Eugen Cakolli nga KDI, ka thënë se vazhdimi i seancës është në duart e kryesuesit dhe se ajo mund të thirret më së voni deri të enjten./teve1.info/
