Vendimi i Gjykatës Kushtetuese i ka hapur rrugë presidentes së vendit që të veproj në rastin e guvernatorit të ri të BQK-së, Ahmeti Ismaili. E një gjë të tillë, sipas këshilltarit për media të presidentes, Bekim Kupina, pritet të bëhet së brenda pak ditësh.
Me 13 korrik të këtij viti, Ahmet Ismaili është votuar nga shumica e deputetëve për pozitën e Guvernatorit të Bankës Qendrore të Kosovës.
Por vendimi u dërgua në Gjykatën Kushtetuese nga 12 ligjvënës, duke u kërkuar vendosja e masës së përkohshme.
Dhe, me 1 gusht, Kushtetuesja vendosi të refuzonte këtë kërkesë.
Megjithatë, që Ismali ta ushtroj detyrën e Guvernatorit duhet edhe dekretimi nga e para e shtetit, Vjosa Osmani.
E për këtë çështje, Presidenca ka një paralajmërim.
“Afati tetë ditor i cili vlen për ligjet nuk vlen për emërimet. Presidentja Osmani do të vendosë në lidhje për këtë çështje brenda pak ditësh”, ka thënë ai.
Edhe sipas juristit, Ardian Bajraktari, nuk ka ndonjë afat ligjor në bazë të Kushtetueses se kur duhet të bëhet dekretimi i guvernatorit të BQK-së.
Por sipas tij, është në përgjegjësi të presidentes funksionimi i institucioneve prandaj ai kërkon që sa më parë të bëhet një gjë e tillë.
Zvarritja e dekretimit të Ahmeti Ismajli mund të ketë pasoja sipas njohësve të ekonomisë.
Që nga fundi i muajit mars, Banka Qendrore menaxhohet nga guvernatori i përkohshëm, Bashkim Nurboja.
