Në një postim në Twitter, Vela ka thënë se mediat pro regjimit të Serbisë po përforcojnë dezinformatat e promovuara nga Vuçiq gjatë konferencës së djeshme për shtyp.
“Asnjë shqiptar nga Kosova nuk iu bashkua luftës në Ukrainë, asnjë çeçen apo çerkez nuk ka komplotuar për të vrarë serbët e Kosovës”, ka shkruar Vela.
Ndryshe, dje, shefi i stafit në kabinetin e Presidencës Blerim Vela ka akuzuar Beogradin zyrtar për presion ndaj qytetarëve të Kosovës në pikat kufitare.
Vela ka thënë se një numër i madh i qytetarëve, përshirë edhe serbët e Kosovës, janë intervistuar e arrestuar në pikat kufitare Kosovë-Serbi. Ai ka thënë se Vuçiq duhet ta dijë se ky presion i stilit Millosheviq do të dështojë.
“Mediet pro-regjimit të Serbisë po përforcojnë dezinformatat e promovuara nga Aleksanadar Vuçiq gjatë konferencës së djeshme për shtyp: Asnjë shqiptar nga Kosova nuk iu bashkua luftës në Ukrainë. Asnjë çeçen apo çerkez nuk ka komplotuar për të vrarë serbët e Kosovës. Kjo dezinformatë i shërben narratives së Rusisë”, ka theksuar Vela.
🚨#Serbia’s pro-regime media are amplifying disinformation promoted by #Vučić during yesterday’s press conference:
‼️ No Albanians from Kosovo joined the war in Ukraine
‼️ No Chechens or Cherkess have plotted to assassinate #Kosovo Serbs
This disinfo serves #Russia’s narrative pic.twitter.com/R0vmsN0Crp
— Blerim Vela (@Blerim_Vela) August 22, 2022
