Për Luginën e Preshevës u diskutua edhe në Bruksel.
Kjo për shkak se Kosova në disa raste ka kërkuar që Presheva, Bujanoci dhe Medvegja, të jenë një nga temat e dialogut mes Prishtinës dhe Beogradit.
Këtë kërkesë e kanë mirëpritur përfaqësuesit shqiptarë në shtetin serb.
Kryetarja e Preshevës, Ardita Sinani, renditë arsyet se përse në Bruksel duhet të flitet edhe për Luginën.
E se faktori ndërkombëtar duhet të jetë më kritik ndaj Serbisë, ka kërkuar edhe kryetari i Këshillit Kombëtar Shqiptar, Enkel Rexhepi.
Rexhepi thote se kjo kërkesë e Kosovës të realizohet dhe të diskutohet pozita e shqiptarëvë në Luginë.
Nga ekzekutivi kosovar thonë se shqiptarët atje janë minoriteti më i shtypur në Evropë.
“Po kalojmë nga pasivizimi i adresave, mospërfshirja e tyre në jetën shoqërore e publike e diskriminimi i vazhdueshëm, tashmë në një nivel tjetër. Ka disa muaj që Serbia ka bllokuar fondet nga Republika e Kosovës në ndihmë të bujqve e fermerëve të Luginës. Këtë çështje e ka ngritur zëvendëskryeministri Bislimi në takimin e fundit në Bruksel me emisarin Peter Sorensen, nga i cili ka kërkuar ta trajtojë këtë çështje dhe të kërkojë nga Serbia zhbllokimin e fondeve”, tha këshilltari i zëvendëskryeministrit në detyrë, Klisman Kadriu.
Kërkesën e palës kosovare që Lugina e Preshevës të bëhet pjesë e bisedimeve, nuk e kanë mirëpritur përfaqësuesit e Serbisë.
Drejtori i të ashtuquajturës Zyre e për Kosovën në Beograd, Petar Petkoviq ka thënë se nuk kjo temë nuk është e përshirë në dialog dhe e njëjta do të qëndrojë jashtë diskutimeve.
