Qytetarë të shumtë e nisën ditën në kompleksin memorial “Adem Jashari” në Prekaz, kjo për nder të 15-vjetorit të Pavarësisë së Kosovës.
Njëri ndër ta rastisi të jetë edhe një bashkë-luftëtar i Adem Jasharit. Ndër fjalët për krenarinë që ndjen për familjen Jashari, ai thotë se u la pa mbështetje nga Qeveria.
E qytetarë të tjerë tregojnë se në këtë ditë historike për vendin, ata e ndjejnë obligim të vijnë në Prekaz.
Edhe fëmijët nga Prekazi, uruan Kosovën për përvjetorin e pavarësisë.
Kompleksin memorial gjatë ditës e vizituan edhe krerët shtetërorë por edhe politikanë nga vende të ndryshme.
