E Ngarkuara me Punë të Ambasadës Amerikane në Kosovë, Anu Prattipati të hënën ka zhvilluar një vizitë në veri të Kosovës.
Prattipati atje është takuar me liderë të shoqërisë civile, përfaqësues politikë dhe me Policinë e Kosovës.
Ajo ka përsëritur qëndrimin e qeverisë së Shteteve të Bashkuara të Amerikës se stabiliteti dhe siguria janë kyçe.
E ngarkuara me punë po ashtu ka theksuar se është përgjegjësi e Qeverisë së Kosovës që të sigurojë që të gjithë qytetarët të jetojnë në mënyrë paqësore.
“Anu Prattipati zhvilloi sot një vizitë të frytshme në veri të Kosovës, ku u takua me përfaqësues të shoqërisë civile, përfaqësues politikë dhe Policinë e Kosovës. E ngarkuara me punë përsëriti qëndrimin e qeverisë së Shteteve të Bashkuara: stabiliteti dhe siguria janë kyçe. Është përgjegjësi e Qeverisë së Kosovës të sigurojë që të gjithë qytetarët të jetojnë në mënyrë paqësore”, thuhet në njoftim./teve1,info/
