E Ngarkuara me Punë në Ambasadën e SHBA-ve në Kosovë, Anu Prattipati ka takuar sot përfaqësues të Listës Serbe.
Prattipati u theksoi përfaqësuesve të Listës Serbe që pjesëmarrja e gjerë nga të gjitha partitë e themeluara është thelbësore për të siguruar që çdo komunitet të ketë një zë në të ardhmen e Kosovës, transmeton KosovaPress.
Ajo tha se është e rëndësishme pjesëmarrja e plotë të komunitetit serb të Kosovës dhe përfaqësuesve të tij në punën e institucioneve të Kosovës.
“E Ngarkuara me Punë Anu Prattipati vazhdoi takimet me partitë politike të Kosovës këtë javë. Në diskutimin e saj me përfaqësuesit e Listës Serbe, ajo theksoi se pjesëmarrja e gjerë nga të gjitha partitë e themeluara është thelbësore për të siguruar që çdo komunitet të ketë një zë në të ardhmen e Kosovës. E Ngarkuara gjithashtu theksoi rëndësinë e pjesëmarrjes së plotë të komunitetit serb të Kosovës dhe përfaqësuesve të tij në punën e institucioneve të Kosovës. Vetëm përmes angazhimit aktiv mund të dëgjohen dhe adresohen zërat, shqetësimet dhe nevojat e qytetarëve”, thuhet në postimin e Ambasadës së SHBA-së në “X”.
