Lidhur me këtë, kryetari i Kuvendit Glauk Konjufca theksoi se ajo se çfarë mund të bëjë tani është një takim me kryetarët e grupeve parlamentare, jo në seancë plenare, por në zyrën e tij, shkruan teve1.info
“Unë konsideroj, krejtësisht, me këto qëndrime që i dëgjova, të pafrytshme, ndërprerjen e seancës. Dmth, krejt çka mund të bëjë unë është që t’i thërras kryetarët e grupeve parlamentare dhe ta dëgjoj në reprizë edhe njëherë këtë pozicionim të juajin, por jo kësaj radhe në seancë plenare por në zyrën e kryetarit të Kuvendit, që pak bën dallim sa i përket zhbllokimit të pozicioneve”, tha ai.
Konjufca shtoi se nuk e sheh të arsyeshme për qytetarët e vendit që seanca të ndërprehret për shkak se nuk po munden të merren vesh.
“Nuk po shoh mënyrë se si të vazhdohet tutje, përveç se ndoshta ta thërrasim në të ardhmen shumë të afërt një takim mes grupeve paralamentare ku të kërkohet një farë zotimi për kompromis nga cilado qoftë palë për të vazhduar tutje. Sa i përket ditës së sotme, krejt çka mund të bëjmë është ta ndërprejmë seancën, të shkojmë, të mos merreshim vesh, por kjo me ndërpre seancën për mos me u marr vesh nuk më duke fare e arsyeshme para qytetarëve të Kosovës”, shtoi Konjufca. /Teve1.info/
