Me laps në dorë të martën doli para gazetarëve.
Këtu presidenti amerikan, Donal Trump, nënshkroi disa urdhra ekzekutiv.
Përmes tyre, i pari i Amerikës, caktoi njerëzit e tij të besueshëm në postet e të dërguarve special.
E në pozitën e emisarit të SHBA-ve për Misione të Posaçme, Trump e caktoi Richard Grenell.
E për të, i pari i Amerikës, pati fjalë të mëdha.
“E dërgova Richard Grenellin në Kaliforni për lëshimin e ujit për shuarjen e zjarrit në Los Angeles, dhe e bëmë këtë ani pse nuk ishte e lehtë. Rick është një njeri i mirë”, ka deklaruar Trump.
Richard Grenell më parë shërbeu edhe si i dërguar i SHBA-ve për dialogun Kosovë – Serbi.
E sipas njohësve të politikës amerikanë, ky nuk është një lajm i mirë për Kosovën.
“Mënyra e administrimit të Trump nuk është konvencionale, ai edhe në mandatin e parë nuk ka administruar në mënyrë të zakonshme, kështu që këta misionarët ose emërimet speciale që i bën, munden me qenë të rrezikshme për neve, për faktin se i emëron njerëzit me fuqi të plot prej administratës e sidomos njeriun si Grenell që është fyer e ofenduar nga Qeveria e Kosovës dhe njerëzit e VV-së, na qet në pozitë shumë jo të favorshme”, ka thënë njohësi i politikave amerikane, Florin Krasniqi.
E Grenell, duket se nuk e ka harruar Kosovën.
Kjo pasi të martën në platformën “X”, ish-emisari amerikan për dialog, tha se SHBA-së i duhen partnerë të besueshëm në Ballkan.
Ndërsa sipas tij, Qeveria e udhëhequr nga kryeministri Albin Kurti, nuk është e tillë.
“Shkrimi i në platformën “X” është ndër shkrimet më të këqija për Kosovën. Mënyra se qysh ai flet prej një diplomati është shumë e vrazhdë, sepse zakonisht diplomatët e përdorin e gjuhën e kujdesshme, por ai në gjuhën e tij ka qenë shumë i qartë se Qeveria Kurti është në kundërshtim me SHBA-në”.
Në fund, Grenell ka shkruar se Bashkësia Ndërkombëtare është e bashkuar kundër Kurtit.
