Në diskutimet për zgjedhjen e presidentit të vendit dhe mundësinë e rizgjedhjes së Vjosa Osmanit edhe për një mandat, konsulenti politik, Xhevdet Pozhari ka thënë se Osmani pas përfundimit të mandatit është mirë të kthehet në LDK.
Ai ka thënë se vendi ka nevojë për opozitë.
Pozhari ka thënë se edhe në të kaluarën figura që janë larguar nga LDK janë rikthyer.
“Znj. Osmani në momentin që i përfundon mandati është më mirë të kthehet në LDK, sepse vendit i duhet edhe opozita”, tha ai.
Një kthim në LDK e sheh të mundshëm edhe Arta Tahiri- Beqa – politologe.
Ajo ka thënë se në LDK u pa që figurat aktuale nuk kanë mundur ta rrisin këtë parti.
“Kthimi i Osmanit në LDK do t’i bunet mirë kësaj partie. Besoj që është e mundshme. Nëse vota e LDK po rrjedhë dhe po shkon të Lëvizja Vetëvendosje është shumë më mirë të kthehen në bazë me kthimin e Osmanit LDK mund të shkojë deri në 20%”, tha ajo.
